Pour ché pinsionnés qui sont péqueux (Raymond Fontaine)

Auteur : Raymond Fontaine
Mineur pensionné de 73 ans, silicosé, demeurant à Haisnes (la Bassée)

Pour ché pinsionnés qui sont péqueux

A mes grands camarades péqueux,
pendant mes momints perdus,
j'ai pinsé, que quand'in d'viens vieux,
Même péquer, in'n'iarif pus.
Cacher des viers, cha d'vient laborieux,
Quand y faut s'abaisser,
in'a du mau à s'arlever.
Et in peut l'dire, ché un rude jeu,
D'ête péqueux quand'in d'vient vieux.
Pour péquer ché pas gramin mieux,
Si ché au vier ed'vase,
In'a biau faire des grimaces,
Ch'a d'viens difficile à l'mettre ach'l'ameçon,
Quand l'vue à l'baisse, vous savez,
In'a biau savoir attraper du pichon
E'ch'vier éd'vase, hé bin y faut l'infiler,
Alors quand in'vo pus fort clair,
In péque à l'asticot ou au vier d'terre,
Ché déja un peu plus gros,
Y'in à même qui mette d'el pomme de terre,
Y paraît qu'cha va mieux à piquer,
In tout cas ché moins compliqué,
Et pis in s'pique moins souvin ses dos,
Et oui, mes pôvres vieux,
Ete péqueux, ché un rude jeu.
Y'ia aussi l'histoire du bouchon,
Y faut pas qui épouvinte ech'pichon,
Mais si un n'in met un tiot,
In l'vo pu quand yé d'in l'iau,
Et oui, comme je l'diso au début,
Même péquer, in pourra pu.
Et pourtant, péquer, cha fait passer l'temps,
Quand in peu pu faire comme avant,
S'occuper de s'petite femme, de s'passion éteinte, s'flamme.
Et oui mes pôves amis,
C'est ainsi, c'est comme ch'a la vie.
Et pis, l'péque, ché in'distraction,
Même si un prin pas d'pichon,
Ché in'exuse pour sortir d'es maison,
Surtout quand in'a pris des provisions,
A mingé et surtout à boire,
Car au bord d'é l'iau,
Vous pouvez m'croire,
In s'régale, quand in bo in tiot co,
Vu, qu'un a besoin souvin d'arroser s'in gosier,
Et'ouai, vous pouvez rigoler,
Tous ché péqueux, y sont pas minteux !!!
Hum !!! in tout cas, pas tant qu'ché cacheux.
Et l'pire, ché qu'après,
Avoir tant travaillé, tant trimé,
Sur in tel plaisir, un peut peut même pu compter,
Et d'pinser que vous pourotes pu péquer,
Ch'a m'rin malade, et ché vraimin malheureux,
d'ête péqueux, et d'devenir vieux,
Mi, j'min fout, j'su coulonneux.

Textes protégés par © Copyright N° 79Z516A
*****************************************
Gérard SANDIFORT, alias Sandipoete
Pour ché pinsionnés qui sont péqueux (Raymond Fontaine) Vieux-10

Solum telum ego tolerare ? Pluma !
La seule arme que je tolère ? La plume !...

» Ches Coulonneux de Raymond Fontaine
» Raymond Queneau
» LES POÈMES DE RAYMOND QUENEAU
» La fontaine.
» La fontaine et le verne