Bluettes du pays noir (extrait) - Abel Pentel

Dins tous chés foss'sin tape à l'veine,
à grands cops d'pic bin intiqué;
l'carbon i quet, ch'tout à peine
si l'petit a'té r'marqué.
Mais, à l'longue du temps, l'tiot'morsure
rongue ed pus in pus l'meur chaqu'jour;
all avanch'sans s'fair'vir, mais sûre,
dins rien d'temps all a fait in tour.
El sueur all'queurt goutte à goutte
su l'front du mineur épuisé,
et gn'a cor parsonn'qui sin doute
n'y touchez point, i est usé.
Car souvint, à l'foss'quil a quère,
i train'sin viux corps tout meurtri;
ayant ouvré enn'vie entière,
i n'comprind point qu'il est fini.
Paraissant solite à tout l'monne,
el vieux mineur rest'din sin cuin,
mais faut point pinser qu'i bertonne,
i est usé, n'y touchez point.