fier d'être un ch'timi

FIER D’ETRE UN CH’TIMi
Mi j’ai gramint voyagé
d’ gauche à droite d’ tous cotés
Et même à jusqu’à l’étringer
Mais in a biau tournicoter

Y a eune chosse qu’in oublie jamais
Ch’est l’indrot dù qu’in est né
Ch’est l’pus biau d’ tous les pays
Et mi j’sus fier d’être un ch’timi

Intre chés corons et chés terrils
Ch’est dins ch’coin là qu’j’ai grandi
In avot pas gramint d’sou à m’mason
Mais cha qu’in avot in l’avot gagné
In avot p’t’ête pas des millions
Mais au moins in avot not’fierté

A don in avot tertous du boulot
El chomache personne n’in voulot
In armontot ses manches ed quemiches
In laissot pas l’gardin in friche
Et si in connaissot un malheureux
In ne l’laissot pas tout seu
Y avot toudis un reste d’ragout pour li
Eune tasse d’café ou un bon demi
Eune plache au coin de ch’feu
Quand y n’avot pour un n’avot pour deux
A ch’t’heure si ichi tout a cangé
Y a eune chosse que j’sais
Ch’est qu’un ch’ti mi
i cange pas si ch’est un vrai
Dins sin cœur au fond d’li
y a eune flamme qui s’éteint jamais

BIERLAIR René dit Cartouche

Bonjour Cartouche !
Une merveille ton poème ! plein de sensibilité, d'émotions! un peu de souffrances aussi! tu nous relates là, un peu de ton enfance ! Vrai je le sais pour y être passé, ton pays est le plus beau de tous les pays, ton patois, sonne à mon oreille comme des notes de musique : " en cet instant là! je m'arrête et j'écoute" je voudrais que celà ne cesse jamais!
Alors j'écris des mots " de patois" voulant encore les entendre résonner en moi !


Merci de nous écrire des poèmes : " si vibrant d'émotions"

merci Marie Lyne, mon patois c'est ma langue maternelle et même loin depuis si lontemps de mes racines, je n'oublie pas