Les tomates d'Edmond Tannière

Les tomates

Ch’est un paufe garchon
Qui s’app’llo Edmond
I’étot des corons
Du côté d’Fouquières,
I’en avot assez
Après ses journées
D’aller travailler
Dins l’gardin d’sin père.

Pour s’in échapper
I s’dit, j’va m’marier
Cha a été vite fait,
I ‘étot pas vilain
All’ étot béllotte
Un p’tit peu lolotte
Mais pour l’ popotte
Alle n’y connaichot rien.

I mingeot des tomates,
Des tomates, des tomates
Et ch’paufe garchon, i savot bien
Qu’i étot marqué par eu’l’destin,
Mais i s’disot pour se faire eune raison
Ch’aurot pu ête la saison des melons.

Cha d’vot arriver
I a tout plaqué
I s’in est allé
Pou’ trouver l’bonheur,
Ch’est à Carpentras
Qu’un jour i trouva
Quéqu’quoss’ qui étot pas
Sin métier d’mineur.

Dins ces pays-là
In réclam’ des bras
Faut dire que ch’est pas
L’boulot qui les tue
Du matin au soir
Comme un vrai bagnard
I étot sus l’trimard
I n’in pouvot plus.

I portot des tomates
Des tomates, des tomates.
Et ch’paufe garchon, i savot bien
Qu’i étot marqué par eu’l’destin,
Mais i s’disot pour se faire eune raison
Ch’aurot pu ête la saison des melons

I avot ma foi
Un biau filet d’voix
Alors ch’est pour cha
Qui voulot canter
I appris des canchons
Sur s’n’accordéon
Les microssillons
Cha l’fesot réver

I véyot d’jà Paris, l’Olympia,
Rimplachant sus’l’tas,
Johnny Hallyday
Mais l’jour qu’i canta
Dins l’vieux cinéma
Alors i arriva
Ch’qu’i devot arriver

I pleuvot des tomates,
Des tomates, des tomates
Et ch’paufe garchon, i savot bien
Qu’i étot marqué par eu’l’destin,
Mais i s’disot pour se faire eune raison
Ch’aurot pu ête la saison des melons.

A tout’s les misères
Qu’i a eu sur terre
I a pas pu s’y faire
I a pas résisté
Et ché à Fouquière
Tout près d’sin grand-père
Dins le vieux cim’tière
Qu’i est interré

Ché par amitié
Qu’l’aute jour in a s’mé
Des belles tiotes pinsées
I les aimot tant
Quind in est r’tourné
Deux, tros mos après
In est tous restés
Comme deux ronds d’flan.

I poussot des tomates,
Des tomates, des tomates
Et ch’paufe garchon, i savot bien
Qu’i étot marqué par eu’l’destin,
Mais i s’disot pour se faire eune raison
Ch’aurot pu ête la saison des melons.



Edmond Tannière

Merci M'biloute
J'ai déjà entendu cette magnifique chanson de chez nous.
Je ne l'ai pas lue... Je l'ai chantonnée. J'ai passé un bon moment.
Je suis vraiment heureux de te voir revenir sur ce forum.
Tes écrits me manquaient. Vraiment.

Arthur Wéry est en effet un chansonnier patoisant du début du siècle dernier. Ses chansons ont été reprise par Edmond Tanière.

Tout in haut de ch'terril
Ch'méneux d'quévaux
La Parisienne
La polka du mineur